موضوع الرسالة:
ايه الموضوع الجميل ده . احب ارحب بيك ونورت منتدانا المتواضع الغزير بالمعلومات المفيده والموضوعات القيمه
انا اسف اني مش بدخل من زمان بس بجد انا مشغول جدا.. وكان زميلي the moon light قاللي ع الحوار اللي دار بينكم تحت التوبيك اللي بعنوان "اجمل معاني الحزن"وانا حبيت ارد هنا عشان ده موضوع هادف واحب احط ردودي تحت مواضيع هادفه. وهو قبل ما يكتب اللي كتبه سالني عنك قولتله انا ما اعرفوش وكان عايز يكلمك بينك وبينه فلما ما عرفش يوصلك وحس بالمسئوليه نشر اللي فرضه عليه ضميره
اولا انا معاه في اللي قاله مش عشان هو صاحبي بس عشان الحق فين وكلمتي دي انا ربنا هيسالني عنها وخلي بالك انت قلت
ويقول صلى الله عليه وسلم:ـ
إن العبد ليتكلم بالكلمة ما يتبين فيها يزلُ بها الى النار أبعد مما بين المشرق والمغرب
رواه البخاري ومسلم
يعني ممكن نتكلم كلمه واحنا بنقولها عادي "لا يلقي لها بالا" وتكون سببا في دخولنا النار
انا نفسي اعرفك بيه يا لورد بجد ده انسان جميل جدا واحلى حاجه فيه تواضعه وعلمه وتدينه
وبالنسبه للموضوع اللي انت كاتبه هنا ده فهو جميل قوي . فعلا احنا عندنا كلام كتير جدا بنقوله واحنا مش عارفين انه غلط
1- زي "يدي الحلق للي بلى ودان " بزمتكم لو انا اديت حلق لوحده مالهاش شحمتي اذن هتقولوا علي ايه مجنون , فمابالك من احدهم الذي يقول ان الله بقه هو اللي بيدي الحلق للي بلا ودان . بسم الله"نحن قسمنا بينهم معيشتهم"
2- زي "رزق الهبل ع المجانين" لا والله فرزق الهبل والمجانين والعقلاء والكل على الله
3- زي الحلف بغير الله " والنبي والكعبه والمصحف. وحياتي عندك , والنعمه الشريفه. اطس ف نظري" قال رسول الله "من كان حافا فليحلف بالله او ليصمت"
4- سب الدين . قال اسحق بن رهاوين "اجمع المسلمون على ان من سب الله او سب رسوله او سب دينه فهو كافر ولو اقر بما انزل على رسوله فهو كافر"
5- الاستهزاء بالله او برسوله او بكتبه زي الاستهزاء بالحجاب. بسم الله"قل ابالله واياته ورسوله كنتم تستهزئون. لا تعتذروا قد كفرتم بعد ايمانكم"
6-زي "لو انطبقت السما ع الارض" وانت مين عشان تنطبق لك السما
7- زي "لا حياء في الدين" والرسول قال "الدين كله حياء"
8-زي لو احدهم اصيب بمصيبه يقول "ليه كده يارب .. انا عملت ايه" بل قل انا لله وانا اليه راجعون .. اللهم اجحرني في مصيبتي هذه واخلفني خيرا منها
9- زي "زرع شيطاني" اكن ابليس هو اللي طلعه وانبته واخرجه
10- الطيره (التشاؤم) فهو شرك يعني يقولك "اليوم ده وشه وحش عليا" "اللبس ده حظه وحش معايا بيجيبلي النحس" ولكن قل اللهم لا طير الا طيرك ولا خير الا خيرك ولا اله غيرك
11- زي "بتييجي مع الهبل ده " نقوله .. بسم الله "انا كل شيء خلقناه بقدر"
12- زي "لا بيرحم ولا يخلي رحمة ربنا تنزل" والله يقول "مايفتح الله للناس من رحمه فلا ممسك لها"
13- زي " اسم النبي حارسه وصاينه" هل النبي يحرس ويصون . بسم الله " فالله خيرا حافظا وهو ارحم الراحمين" ده النبي نفسه ربنا قاله يقولنا " قل اني لا املك لنفسي ضرا ولا نفعا"
14- زيارق القبور والاضرحه للتبارك بهم والتشفع فيهم.
15- زي " خمسه وخميسه" كان كده هيرفع الحسد عنه ..ولكن نرقي نفسنا بالمعوذتين ونقول اعوذ بكلمات الله التامه من كل شيطان وهامه ومن كل عين لامه
16- زي الحظاظه اللي بيلبسها بعض الشباب . قال صلى الله عليه وسلم "من علق فقد اشرك"
17- زي "البقيه ف حياتك ... حياتك الباقيه" أل يعني مات ناقص عمر والبقيه نرجوا ان تضاف لك في حياتك . قال الله "لكل اجل كتاب"
18- زي "ربنا افتكره" هو ايمته اصلا نسيه عشان يفتكره . قال الله " وما كان ربك نسيا"
19- اطلاق لفظ مرحوم على كل ميت ولفظ شهيد على كل من مات في معركه لان هذه حقيقه لا يعلمها الا الله " قال رسول الله " ما من مكلوم(مجروح)يكلم في معركة والله اعلم بمن يكلم في سبيله......"
ممكن يكون بيقاتل رياء او غيره
20- زي "اسمه ايه توفى" بصيغة الماضي ولكن قلها بصيغة المبني للمجهول
21- زي لما الكروان بيغرد يقولك ده بيقول الملك لك لك يا صاحب الملك" ايه هو انت سليمان عليه السلام . هو ايوه بيسبح " ولكن لاتفقهون تسبيحهم"
22- زي " اللي عايزه البيت يحرم ع الجامع"
23- زي " هعتمد على الله وعليك" . قال احد الاصحاب للنبي محمد " ماشاء الله وشئت" فقال له الرسول اجعلتني ندا لله بل قل"ما شاء الله ثم شئت"
24- زي خد الشر وراح" وانت ايه اللي عرفك انه خد الشر او جاب الخير . بل قل قدر الله وما شاء فعل
25- زي "دستور يا سيادنا" وده كلام عبدة الاوثان كانوا يقولون نعوذ بكبار الجن من ان يؤذوننا في اموالنا او اولادنا او تجارتنا ولذلك نزل فيهم قول الله تعالى "وانه كان رجالا يعوذون برجالا من الجن فزادوهم رهقا"
26- زي "الشغل مريح .. بخر المحل" اذا كان اشعال البخور بنية انه يجيب خير او يذهب ضرر فهو شرك . برضه "رش الملح"
27- زي " انا واثق من نفسي" بعض الطلبه بيقولوها بل قل " وما توفيقي الا بالله" ده النبي نفسه كان بيقول "ولا تكلني الى نفسي طرفة عين"
28- زي " كتر السلام يقل المعرفه" ده الصحابه كان اذا فرق بين احدهم حجر او شجر سلم على صاحبه وسيدنا عمر كان بيخرج السوق عشان يلقي السلام ويسلم الناس عليه . بل ان كتر السلام يجيب حسنات. "افشاء السلام واطعام الطعام والصلاة بالليل والناس نيام"
28- تسمه الناس باسماء لم يسمي الله بها نفسه زي عبد الموجود وعبدالستار ولكن الصح الستير . قال رسول الله "ان الله ستير يحب الستر" هتقولي ياعم مافرقتش . اقولك اسماء الله توقيفيه اي تقال كما هي. كذلك عبد الرازق بل اسمه عبدالرزاق (الرازق اي المصيبه) كذلك عبد العاطي بل اسمه عبدالمعطي
البقيه قريبا ... ادعولي
